Նորություններ
-
25 սեպտեմբեր 2025
Շրջակա միջավայրի նախարար Համբարձում Մաթևոսյանը մասնակցել է ՄԱԿ-ի Գլխավոր քարտուղարի բարձր հովանու ներքո կազմակերպված Կլիմայական գործողություններին նվիրված բարձր մակարդակի միջոցառմանը
Իր ելույթում նախարարը նշել է, որ Հայաստանը, լինելով լեռնային և ծով ելք չունեցող երկիր, խիստ խոցելի է կլիմայական փոփոխությունների հետևանքներից։ Միևնույն ժամանակ, նա ընդգծել է, որ Հայաստանը վճռական է գործելու և արդեն իսկ կարևոր քայլեր է ձեռնարկել․
-
25 սեպտեմբեր 2025
Շրջակա միջավայրի նախարարը Նյու Յորքում հանդիպում է ունեցել Գլոբալ Էկոլոգիական Հիմնադրամի (GEF) գործադիր տնօրեն և նախագահ Կառլոս Ռոդրիգեսի հետ
Նախարար Համբարձում Մաթևոսյանը հանդիպման ընթացքում անդրադարձել է Հայաստանի Հանրապետության և ԳԷՀ-ի միջև ձևավորված երկարամյա արդյունավետ գործընկերությանը։
-
25 սեպտեմբեր 2025
Վերջերս միջազգային համաժողովներից մեկի ժամանակ պնդում էր հնչել, որ Երևան քաղաքի օդի որակը վատագույնն է Հարավային Կովկասում
Հայաստանի Հանրապետությունում օդի որակի մոնիթորինգը իրականացվում է Շրջակա միջավայրի նախարարության «Հիդրոօդերևութաբանության և մոնիթորինգի կենտրոնի» կողմից։ Պաշտոնական տվյալների համաձայն՝ Երևանում երբեմն արձանագրվում են թույլատրելի կոնցենտրացիաների գերազանցումներ՝ հատկապես փոշու և ազոտի երկօքսիդի մասով, սակայն դրանք չեն վկայում արտակարգ բարձր աղտոտվածության մասին։
-
24 սեպտեմբեր 2025
Քննարկվել է ««Թափոնների մասին» օրենքում փոփոխություններ եւ լրացումներ կատարելու մասին» եւ «Վարչական իրավախախտումների վերաբերյալ ՀՀ օրենսգրքում լրացում կատարելու մասին» օրենքների նախագծերի փաթեթը
Շրջակա միջավայրի նախարարի տեղակալ Արա Մկրտչյանն Ազգային ժողովի տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի հերթական նիստի ընթացքում ներկայացրել է թափոնների կառավարման ոլորտում առկա խնդիրների լուծման, թափոնների կառավարման համակարգի կատարելագործման, օրենսդրական բարեփոխումների շարունակական ընթացքն ապահովելու նպատակով օրենսդրական փոփոխությունների իրականացման գործընթաց:
-
24 սեպտեմբեր 2025
Նյու Յորք աշխատանքային այցի շրջանակում նախարար Համբարձում Մաթևոսյանը հանդիպել է Միացյալ Թագավորության Խորհրդարանական փոխպետքարտուղար, Բնության նախարար Մերի Գրեգի հետ
Հանդիպման ընթացքում քննարկել են բնապահպանական օրակարգի մի շարք կարևոր հարցեր։ Հատուկ ուշադրություն է դարձվել Կենսաբազմազանության մասին կոնվենցիայի 17-րդ Կողմերի համաժողովի (COP17) կազմակերպչական և նախապատրաստական գործընթացներին։
