Օրենքով սահմանված կարգով վաստակած հանգստի անցավ աշխատանքային տարիքը լրացած, Շրջակա միջավայրի նախարարության մթնոլորտային քաղաքականության վարչության պետ Գագիկ Մանուչարյանը։
Պարոն Մանուչարյանը պետական կառավարման ոլորտում աշխատել է 42 տարի, որից 8-ը՝ Շրջակա միջավայրի նախարարությունում։
Նախարար Հակոբ Սիմիդյանը շնորհակալագիր և խորհրդանշական հուշանվեր է հանձնել Գագիկ Մանուչարյանին՝ երկարամյա բարեխիղճ աշխատանքի ու նվիրումի համար։
«Մենք բարձր ենք գնահատում Ձեր տարիների վաստակն ու հարուստ աշխատանքային փորձը և համոզված ենք, որ անգամ վաստակած հանգստի պայմաններում Ձեր գիտելիքները շարունակելու եք ծառայեցնել ոլորտի առաջընթացին և զարգացմանը»,-նշել է նախարարը։
Գնահատանքի խոսքով հանդես են եկել նաև Շրջակա միջավայրի նախարարի տեղակալ Տիգրան Գաբրիելյանը և նախարարության ներկայացուցիչներ։