Բնապահպանական պետական տեսչության կողմից 02.05-06.05.2017թթ. ժամանակահատվածում իրականացված շրջայցերի, ԲՊՏ վարույթին հանձնված գործերի քննության և հաշվետվությունների ընդունման գործընթացում հայտնաբերված խախտումների արդյունքում կայացվել է 770.0հազ.դրամ ընդհանուր գումարի վարչական տուգանքի 11 որոշում և հաշվարկվել 4.46 մլն.դրամ ընդհանուր գումարի շրջակա միջավայրին հասցված վնաս: Մասնավորապես` Բուսական աշխարհի պահպանության ոլորտ Կազմվել է վարչական տուգանքի 1 որոշում՝ 50.0 հազ.դրամ ընդհանուր գումարի և հաշվարկվել է 4087.0հազ.դրամ ընդհանուր գումարի շրջակա միջավայրին պատճառած վնաս, որից՝ <<Դիլիջան ԱՊ>> ՊՈԱԿ-ի կողմից անհայտ անձի վերաբերյալ կազմված ապօրինի ծառահատման 3 արձանագրությունների հիման վրա Տավուշի տարածքային բաժնի կողմից իրականացվել է մասնագիտական տեղազննություն և 5 ծառի համար հաշվարկվել է 1366.0հազ.դրամ ընդհանուր գումարի շրջակա միջավայրին հասցված վնաս: Արձանագրություններն ուղարկվել է Տավուշի մարզային դատախազություն: Սյունիքի տարածքային բաժինը 1 ֆիզիկական անձի նկատմամբ ապօրինի հատված ծառի /1 ընկուզենի/ համար հաշվարկել է 70.5հազ.դրամ գումարի շրջակա միջավայրին հասցված վնաս: Շիրակի տարածքային բաժնի վարույթին հանձնված գործերի քննության արդյունքում 1 ֆիզիկական անձի նկատմամբ ապօրինի հատված ծառի համար կայացվել է 50.0հազ.դրամ գումարի վարչական տուգանքի որոշում և հաշվարկվել` 18.0հազ.դրամ գումարի շրջակա միջավայրին հասցված վնաս: Hetq.am կայքում տեղադրված <<Սահմանամերձ Ջիլիզայում շարունակվում է անտառների զանգվածային ոչնչացումը>> վերնագրով հոդվածում հնչեցված ահազանգն ստուգելու նպատակով ԲՊՏ Լոռու տարածքային բաժնի աշխատակիցների կողմից իրականացված զննության արդյունքում <<Հայանտառ>> ՊՈԱԿ <<Լալվարի անտառտնտեսություն>> մ/ճ-ի Շամլուղի անտառպետության 1-ին պահաբաժնում հայտնաբերվել է ապօրինի հատված 24 հաճարենու, 1 կաղնու և 27 բոխու կոճղեր: Հաշվարկվել է բուսական աշխարհին պատճառած վնաս 2632.5հազ.դրամ գումարով: Նյութերն ուղարկվել են ՀՀ ոստիկանության Լոռու մարզային վարչության Թումանյանի բաժին: Մթնոլորտային օդի պահպանության ոլորտ Կազմվել է վարչական տուգանքի 1 որոշում` 50.0հազ.դրամ ընդհանուր գումարով, որից՝ Շիրակի տարածքային բաժնի կողմից առանց անթափանց ծածկոցի շինարարական աղբ տեղափոխելու համար 1 ֆիզիկական անձի նկատմամբ կայացվել է 50.0հազ.դրամ գումարի վարչական տուգանքի որոշում: Թափոնների ոչ ճիշտ տեղադրման համար Արագածոտնի տարածքային բաժնի աշխատակիցների կողմից 1 տնտեսվարողի նկատմամբ կայացվել է 50.0հազ.դրամ գումարի վարչական տուգանքի որոշում: Հողերի պահպանության ոլորտ Կազմվել է վարչական տուգանքի 3 որոշում՝ 190.0հազ.դրամ գումարով և հաշվարկվել է 340.0hազ.դրամ ընդհանուր գումարի շրջակա միջավայրին պատճառած վնաս, որից՝ Գեղարքունիքի տարածքային բաժինը <<Սևան ԱՊ>> ՊՈԱԿ-ի հետ համատեղ հայտնաբերել է հողի բերրի շերտի օգտագործման կարգը խախտելու մեկ դեպք, որի համար կայացվել է 1 վարչական տուգանքի որոշում` 80.0հազ․դրամ գումարով և հաշվարկվել է 320.0հազ.դրամ գումարի շրջակա միջավայրին հասցված վնաս: Արմավիրի տարածքային բաժնի կողմից հայտնաբերվել է հողի բերրի շերտի օգտագործման կարգը խախտելու մեկ դեպք, որի համար կազմվել է 1 վարչական տուգանքի որոշում` 80.0հազ․դրամ գումարով և հաշվարկվել է 20.0հազ.դրամ գումարի շրջակա միջավայրին հասցված վնաս: Տավուշի տարածքային բաժնի կողմից հայտնաբերվել է հողի բերրի շերտի օգտագործման կարգը խախտելու մեկ դեպք, որի համար կազմվել է 1 վարչական տուգանքի որոշում` 30.0հազ․դրամ գումարով: Ապօրինի որսի իրականացման համար Գեղարքունիքի տարածքային բաժինը <<Սևան ԱՊ>> ՊՈԱԿ-ի հետ համատեղ իրականացված ստուգայցերի ընթացքում առգրավվել է 157 հատ /23.0կգ/ <սիգ> տեսակի ձուկ, որն օրենքով սահմանված կարգով հանձնվել է Սևանի թիվ 3 <<Հեքիաթ>> մանկապարտեզ: Վայոց ձորի տարածքային բաժնի կողմից իրականացված շրջայցերի արդյունքում հայտնաբերվել է ձկան ապօրինի որսի մեկ դեպք, առգրավվել է 2 հատ գետի <կողակ>, կայացվել է 50.0հազ.դրամ գումարի վարչական տուգանքի որոշում և հաշվարկվել է 2.0 հազ.դրամ գումարի շրջակա միջավայրին հասցված վնաս: Կենդանական աշխարհի պահպանության ոլորտ ՀՀ ԲՆ <<Թեժ գծի>> ահազանգի հիման վրա իրականացվել է ուսումնասիրություն Տավուշի մարզի Բերդավան գյուղում վանդակում արջ պահելու վերաբերյալ, ինչը չի հաստատվել: Ստեփանավանի տարածաշրջանում շրջայց կատարելու ժամանակ բաժնի տեսուչների կողմից հայտնաբերվել է արջի երկու քոթոթ: Քոթոթները հանձնվել են Երևանի կենդանաբանական այգի: Փայտանյութի ապօրինի տեղափոխում Կազմվել է վարչական տուգանքի 2 որոշում՝ 200.0հազ.դրամ գումարով և հաշվարկվել է 28.06hազ.դրամ ընդհանուր գումարի շրջակա միջավայրին պատճառած վնաս, որից՝ Տավուշի տարածքային բաժնի կողմից 2 ֆիզիկական անձանց նկատմամբ (2.3խմ ապօրինի վառելափայտ տեղափոխելու համար) կայացվել է 200.0հազ.դրամ ընդհանուր գումարի վարչական տուգանքի 2 որոշում և հաշվարկվել է 28.06հազ.դրամ ընդհանուր գումարի շրջակա միջավայրին հասցված վնաս: Բնապահպանական և բնօգտագործման վճարների եռամսյակային հաշվետվությունները սահմանված ժամկետում չներկայացնելու համար Արագածոտնի տարածքային բաժնի կողմից 1 տնտեսվարողի նկատմամբ կայացվել է 100.0հազ.դրամ գումարի վարչական տուգանքի որոշում: Գեղարքունիքի տարածքային բաժնի կողմից 1 տնտեսվարողի նկատմամբ կայացվել է 80.0հազ.դրամ գումարի վարչական տուգանքի որոշում: Ընդհանուր առմամբ ԲՊՏ կիրառած պատժամիջոցներից նշված ժամանակահատվածում ՀՀ պետական բյուջե է մուտքագրվել 0.7մլն.դրամ: